أهم ما جاء في الندوة الصحفية للسيد محمد عبو وزير الدّولة المكلف بالوظيفة العمومية والحوكمة ومكافحة الفساد

أهمّ إنجازات مصالح وزير الدّولة لدى رئيس الحكومة المكلف بالوظيفة العمومية والحوكمة ومكافحة الفساد خلال شهور عمل ستّة, موضوع ندوة صحفية عقدها محمد عبّو الأربعاء 02 سبتمبر 2020:
🚩 المهام الرقابية
📍مراقبو الدولة هوما 40 فقط وقاموا بالدور الي طلبناه منهم باقتدار
مراقبو المصاريف العمومية: مهمات عديدة منها: – التثبت في الطرقات: مهمتان رقابيتان واحدة في سكرة ولقاو فيها تجاوزات وواحدة مازالوا مابداوهاش
– المناظرات: كمناظرة القبول بالمعهد الأعلى للمحاماة اكتشفوا فيها الكثير من التجاوزات والمحسوبية التي تولد الكثير من الحقد والطبقية/ المناظرة في الوساطة في الديوانة الي لقاو فيها تجاوزات وإن كانت أقل
– الأراضي الدولية الفلاحية في منوبة: إلي لقاو فيه بعض الاخلالات
📍الهيئة العامة لمراقبة المصالح العمومية: 8 مهام “عندي ثقة فيهم أكثر من أي جهاز آخر يقاوم في الفساد”
– تدقيق على عقود استغلال المحروقات: عندهم شهرين ملي بداو والمهمة تبقى 6 أشهر.. قرائتي مش بش نلقاو بحور متاع محروقات ولكن فما تجاوزات خاصة فيما يتعلق بالجباية
– المجمع الكيميائي: مازال ماحضرش التقرير
🚩 شركة VALIS الي مشارك فيها رئيس الحكومة: لم أدافع عليه في التلفزة ولكني حكيت كرجل قانون وحبيت نفسر إلي هناك فرق بين استغلال النفوذ لتحقيق أموال كيما (الفصل) 96 من المجلة الجزائية وبين تضارب مصالح فأصبح الأمر محل تندر… موضوع كيما هذا يحكيو فيه رجال القانون ويصعب على عامة الناس
خذيت قراري وحدي باش نعمل إذن بمأمورية ضد رئيس الحكومة والقانون يسمحلي وصححت الاذن قبل ما نمشيو لجلسة مجلس النواب. تم نشر التقرير بعد 3 اسابيع بدون استتشارة أي حدّ.
🚩 نهارت إلي حزب يبعث محامينو بش يدافعوا على شخص هذا مؤشر كبير إلي هو من الممولين متاعهم
🚩 لقينا صعوبات في ملف الفساد السياسي : نحنا طلبنا شفويا معلومات من الداخلية على الأحزاب إلي تدخل في الفلوس من الخارج وقلتلهم لا أستثني حتى حزب حتى التيار ورئيس الحكومة قاللهم بحضوري حاسبوني كان تدخلت فيكم. طلبت منهم كي يلقاو معلومات يا يعطيوهالي يا يحيلو للقضاء.. إلى يومنا هذا ما عندي حتى معلومة.
🚩 يوميا مع السادة الولاة نقولولهم ما تقضي لحتى حزب حقق السلم في جهتك أكهو…
🚩 قلنا لوزارة الداخلية أبحثوا في العباد إلى تخدّم في صفحات وعطيناهم أسامي وقلنالهم إسألوهم من أين لك هذا ولكن ما عيطلهم حد وحتى رئيس الحكومة قال لا هذه نحيوها من السياسة الجزائية اتو يقولو ضربوا حرية الصحافة.
🚩 نهارت إلي غازي الشواشي جبد دوسي مروان المبروك في وسائل الإعلام ولينا في اجتماعاتنا يقولولنا نقصولنا من التهجم على رجال الأعمال.. أنا ما حاجتيش بحد يدخل للحبس أما نحب القانون يطبق على الناس الكل..
🚩 فما مرة بش نفذوا القانون على شخص قعدنا 4 أيام، رئيس الحكومة ووزير الداخلية انا نتابع (شخص يغادر الحجر الصحي وقتها قررنا انه يقع القبض على الشخص هذاكا بش ما يصيرش استثناء والا وقتها العباد الكل تخرج).
🚩 رئيس الحكومة خذا قرارت فيما يخص ظاهرة السوق السوداء ولم يتم تطبيقها: كنا نحبوا نقوموا بعمليات كبيرة على المهربين بش نرجعوا أموال الدولة التونسية ولكن…
🚩 أنا نشرت تصريحي بالممتلكات على موقع الوزارة ورئيس الحكومة رفض أنه يتم نشر الأمر المتعلق بنموذج التصريح خاطر قال شعبوية.
🚩 ملف مروان المبروك : هيئة الرقابة العامة للمصالح العمومية تبحث تلقى فما حكم من 2018 لكن الحكم لم يتم تلخيصه خلال عامين والمحكمة الادارية أكدت إنه فما قاضية لم تمضي الحكم. قدمنا شكاية وعلى كل حال حضرت الأحكام وخذاها المكلف العام بنزاعات الدولة وتم إدراجها بسجل المؤسسات بالتالي الدولة ولات مالكة لهذه الأسهم.
🚩 اموال مصادرة : فما أموال أخرى مصادرة جاتني معلومة فيها الي السيد الي صادرنالو مازال يحضر في الاجتماعات و مازال ياخو في الأرباح كي سألت الادارة المعنية على الملف قالولي فما لخبطة في الادارة وهاني حلت الملف على القضاء بش يعرف هو فما لخبطة والا حاجة أخرى.
🔴 فما ملف زادة على السلاح جاني: أنا قلت للوزير الملف هذا لازم تكون فيه ناس موقوفين خاطر هذا دم وتم تعريض عباد للقتل. الملف يخص أسلحة فاسدة كي عطيت المعلومات وما صار شيء في الملف أحلت للقضاء مع الاختبارات زادة. وزير الداخلية ووكيل الجمهورية كانوا على علم بهذا الملف وما صار فيه شيء. أنا على اقتناع إلي هذه صفقة فساد يبدلو فيها الاختبارات ولكن وزارة الداخلية جاوبت إلي الملف متعلق بتعقيدات إدارية متاع الصفقات.
🚩 قدمت 3 شكايات بأعوان الديوانة المحالين على التقاعد الوجوبي، واحدة اثراء غير شرعي وزوز في صفقات مشبوهة. حضّرنا الأمر المتعلق بجعل التقاعد في الديوانة 57 سنة ولكن رئيس الحكومة رفض إمضاءه لأن الحكومة مغادرة وقال ما نصححش على حاجة هكا.
🚩 فيما يخص الINLUCC خرجونا من منطق تصفية حسابات.. جاتنا معلومة اللي ثمه تسييس خذا رئيس الحكومة على ضوئها قرار. المعلومة تفيد إلي القرارات لم تتخذ لمكافحة الفساد. أنا جاتني عدة شكايات من شهر أفريل وحطيتها على جهة أما قبل ما نمشي لازمني ناخذ فيها قرارات، لذلك اذنت بمهمة رقابية.
🔴تقديم شكاية بحركة النهضة فيما يخص تبييض الاموال:
الشكاية الي تقدمت فيما يخص حركة النهضة متعلقة ب4 قنوات تلفزية بقرائن متعددة وخذينا شهادات من عباد من داخلها وقدمنا شكاية فيما يخص تبييض الأموال بقرينة قوية برشا وأثرنا موضوع ممتلكات الحركة وسياراتها ومقراتها وأجراءها وأثرنا تقرير محكمة المحاسبات فيما يخص تقديم تبرعات من قبل موتى.
فما زادة أحزاب أخرى والحكومة السابقة زادة كانت موضوع تشكي.